‘A cammenata

Quanti ccose po’ di’ chesta parola:
quatto passi cu nu cumpagno a père
O cu na bella cumitiva â sera
a mangiá na pizza cu ‘a pummarola

O na juta a nu pizzo furastiero
doppo ca vai â matina e vieni â sera
pare ca tanno hê asciuto d’’a galera
te lèv’ ‘a capa ogni malepenziéro

ma è chesta ccà ‘a vera cammenata
ca senza te fa scurdà addó si nato
te pó ‘mparà a capí ‘o pensiero ‘e ll’ate

chi invece pensa ca ‘o meglio è sul’isso
e sti ccammenate nun s’’e ffà spisso
se penza ch’ è adderitto e invece è fesso !